KALENJIN 121- 145

1.  Kiptaiyat, amache itilila ra; I-Una amu kigisikta tengek. I'stawa tugul  Che iweche, Inye; Amache imeny eng' muguleldanyu.      Anyonjinin; i-una nguno;      Irirenage eng` chamnyeng'ung' ne o. 2.   Amache ameto orennyu ne ya; Nyiitat ya-itwogik  sobondo tugul. Chobwa muguleldo ne tilil, Jesu, Asi achamin eng' sobennyu tugul. 3.  Amache Inyitwa  Tamirmiriengung' Asi agimit eng' muguleldanyu. Abunjinin,  Jesu,  Inyege kityo Asubin, Inye,  betusiekyuk  tugul.

1.  Kiptaiyat, anyonjinin - A kipchalwokyot ne o. A kibananiat iman. Taacha, anyun, Yetindet.      Karikyin, nguno, Jesu -      Aruet ne bo Jehovah.      Anyali Kimurtoiyot;      Sorua, nguno. Kiptaiyat. 2.  Kigoboiywa chalwok keny; Tom anyoru yetunet. Rirjinin sobondanyu, Istawa chalwok tugul. 3.  Boiywa, Jesu, koboch ra, Si masub magutikyuk. Asubotin Inyege. Jesu, Kando-indennyu. 4.Kagosorua Yetindet; Menya Tamirmiriennyi. Kagosob sobondanyu; Alosu Yetindennyu. (Korus ne isubi koitet 4) Ka-ayan Kiptaiyandet Aruet ne bo Jehovah. Anyali Kimurtoiyot Kagosorua Yetindet.

  1.  Ka-agas ng'olyondeng'ung'; Kaguura Kuting'ung'. Anyone Si itilila Eng' tengeKwogikyuk.      Anyone, Jesu,      Anyone nguno.      Iunena korotiguk      Si atililit kot. 2.  Kona anai kit ne u Ya-itietab tengek Ne kigonin Igoitege Itumde korotik. 3.  kongoi, Kiptaiyandennyu, Amu imandang'ung' Ne ka-ilaaksewa nguno Si aek lakweng'ung'. 4.  Baorianjina inne Tamirmiriet nguno, Kole, a, bo Jesu iman - Ine ne kimecha. (Korus ne isubi koitet 4) Ka-anyo, Jesu, Ka-ayan iman. A unot eng' korotik A lakweng'ung' nguno.

1.  Kialoo-itu eng' Inye Kiptayat Jesu. Kanai nguno chalwogikyuk; Ka-awekyinge      Kanyonjin, Yetindet,      Si Mabetoti.      Torocha eng' chamyeng'ung'      Ka-awekyinge. 2.   Kibetyo buch betusiekyuk Amaaya-e kiy; Ago asigu ra, Jesu - Ka-awekyinge 3.  Ki'nyalila chalwogikyuk, Ka-asigu ra. Amang'u chamyeng'ung' nguno - Ka-awekyinge. 4.  Inyitwa muguleldanyu Tamirmirieng'ung'; Si alosun eng' bandanyu - Ka-awekyinge.

1.   Ye kasik kiptengekyo Koboibo-itu kot! Nyochin kaat Jesu tugul Amu rirenennyi. Ye kamwechi korotik Asi konyor kasoobet Kobunji anyun Jesu, Mie ne tia tiendanyi! 2.   Ye kasik chi eng' luset, Koboibo-itu kot '. Otei Jesu eng' chamnyet , AK kolosu  Ine. Metoi ortinwek Che yaach, Si kotebi ko tilil. Kiberuri eng' chamnyet. Mie ne tia tiendanyi! 3.  Ngot imache tun Ketien Eng' barak kipsengwet, Mwei anyun eng' chalwogik Che mi betusiechu. Chokta kenyisiek mising'; Cheng ' anyun Yetindeng'ung' , Si kesirji kaineng'ung ' Bukuitab Jehovah.

I.  Anyonjinin Jesu Kristo. Kou kit ne a u, nguno. Anyerat kot eng' ta-ing'ung Jesu, anyonjinin, Inye. 2.  Anyonjinin - magoige. I-unena korotiguk. Istawa tengekwogikyuk. Jesu, anyonjinin, Inye. 3  Anyonjinin anyor sobon Amu abanani mising'. Acheng'e nguno yetunet Jesu, anyonjinin, Inye. 4.  Anyonjinin agoninge Taacha nguno aek neng'ung'. Kaayan nguno ng'olyondeng'ung'. Jesu, anyonjinin, Inye.

I.  Anendet ko matile kiy; Korotiguk che amang`u. Anyonjinin eng' sigunet, Aruetab Jehovah. 2.   Ma'mugaksei atililge; Anyalin , Jesu . Inyege . Imuchi , Inye , i-Una, Aruetab Jehovah. 3.    Anyonjinin, Jesu, nguno, Ak angen ale itaacha, Amu ayani korotik, Aruetab Jehovah. 4.  O chamnyeng'ung' kosiir tugul; Arikyinin eng' kayanet. Amache abunjin agoi, Aruetab Jehovah.

1.   Mat i-utiena, Yetindet; Kaswa saennyu; Ye irirege bik alak,  Ibwata, Jesu.      Yetindennyu,      Kaswa saennyu;      Ye irirege bik alak,      Ibwata, Jesu. 2.  Rirena, Kiptaiyandennyu - A kiptengekyo. Ye agutung'jin eng' saet, 'Stawa bistoet. 3.  Ka-asomin ra itaacha Eng' mie-indang'ung'. Ka-agoninge isooba Eng' korotiguk. 4.   Jesu, I Kagaiga-indet; Matinye age. I Kamukta-indet, Inye Mamitei age.

I.   Mi kurgat Toondet Jesu. O . . . yatyi. Kigonyo konyil Che chang'. O . . yatyi. Mogage otaach Ine; Oyatyi Kiptaiyandet , Werit ne bo Jehovah. 0 . . .yatyi. 2.   Ogas kutinnyi nguno. O . . yatyi. Olewen Jesu Kristo. 0 . . . yatyi. Konok  boiboiyet ne o AK koribok kotugul Si olosu  kainennyi. O . . yatyi. 3.   Kagogongony Toondennyo O . . yatyi. Ibu berurto ne o. O . . . yatyi. Nyoiywok  kaat chalwogikwok Ngot osigu eng' iman, Si komutak kipsengwet. O . .yatyi.

I.  Obwanji Jesu, mat ogage; Kuurech Inenda eng. ng'alekyik; Mwawech nguno eng. chamnyet ne o, Kole, "Osubwa ra."      Tun kigeerege eng' boiboiyet,      Ye kibe Ole mami chalwok;      Kigeerin, Jesu, iman, kimni,      Eng' barak kipsengwet. 2.  Amo-ete lagok che mengech Kobwanji Jesu kogas ng'alek. Kuursei Inendet eng' talasiet - Obwa, amogage. 3.   Obwa osigu eng' ya-itiet; Rani ko betutab chamjinet, Kuurok Ine nguno eng` chamnyet. Mo-esie kuursennyi.

1.   Olakte chalwogik tugul, OKwek Che o lusyotin. Kiguurok obwanji Jesu, Si onyoru yetunet. Otuuchi miletab tengek Kimurtoiyotab Jesu. Chobot mising' Yetindennyo Ko-isto la-utikwok. 2.  Amo'ywei obwanji Jesu, Amu tinyei rirenet . Soru Jesu age tugul Ne ipchin tengektanyi. Bik Che miandos eng` chalwokto, Obwanji Chepkerichot. Onyoru, anyun, eng' yoto, Kerichekab mugulel. 3.  Obwa, anyun, Si kegonok Amitwogikab sobon. Si omuch, ye kaobiye, Obarte logoiywekyik . Siirtoi betusiek kochoktoi Ama kingen Ole boch. Obwa nguno, amogage, Amu kanyok Kiptaiyat.

1.  Nyo, chi tugul ne iratat Eng' chalwokto ne o, Asi kegonin kamuung'et Eng' muguleldang'ung'.      Ongenam ng'alekab Jesu,      Ongenam nguno;      Si koyetech, Si koyetech,      Koyetech nguno. 2.  Kitumda Jesu  korotik Eng' Kimurtoiyondet. Kime amu chalwogikyok Kosoruech eng` me-et. 3.    Jesu ko oretab iman Ne itech kipsengwet. Oyan Inendet ngunito Si osich yetunet. 4.  Nyo chopge anyun chi tugul Ne kuurin Kiptaiyat; Si kebe tugul kipsengwet  - Emetab Jehovah.

1.  Kaiwe'ye mi Jesu si kounin? Kagoleelit muguleldang'ung'? Kagounin korotikab Yetindet? Tos, imang'u Inendet 'nguno?      Korotik  .   . ab  Jesu      Che isoobi muguleldang'ung`.      Chamin mising` Jesu; machei kounin,      Tos, imang`u Inendet  nguno? 2.  Muruon mising' inne muguleldang'ung'; Tinyei simdo ne bo tengekto, Mami kiy  age ne `muchi kounin, Kobate  korotikab Jesu. 3.  Ngoyan chi ng`alek Che bo Kiptaiyandet, Ak konam eng' muguleldanyi, Koundoi Jesu chalwogikyik  tugul, Amu kimen kot korotikyik.

I.  Kuurin Kiptaiyandeng'ung' rani, Machei kogonin yetunet. Matiny Ko eechen chalwogiguk, Chobot Jesu ko'sto ngunito.      Ee, nyo, nyo, nyo, nyo,      Nyonji Kiptaiyat  ngunito;      Nyo, amat ibwat igage.      mengen ngo egu kasartab let,      Mie inyonji Kiptaiyat nguno. 2.  Kiguurin konyil ata Jesu, Ak memage kiy kuursennyi? Amu ma'muchi chi koyetgei, Mie inyonji Kiptaiyat nguno. 3.  Amu nee asi i-esio-i Chamnyet ne konin yetunet? Tia betusiek Che iga-ige? Mie inyonji Kiptaiyat nguno. 4. Ngo mecham igas it Jehovah Ak ibistoe kuursennyi Ko mengen ngo mi kasar age Mie inyonji kiptaiyat nguno

1.   Kuurin Kiptaiyat inyonji nguno. Kuurin Jesu; kuurin Jesu. Amu nee si imwei eng' lapkeiyet, Isto-ege chamnyennyi?      Kuur . . . . in nguno.      Kuur . . . . in nguno,      Kuur . . . . in Jesu,      Kuursei Jesu eng' chamnyet ne o. 2.  Kuurin inye ne imi yaitiet. Kuurin nguno; kuurin nguno. Ipchi milet si isich kamuung'et. Me-esie Jesu Knsto. 3.  Kanyin Kiptaiyat inyonji nguno. Kanyin Jesu; kanyin Jesu. Nyonji  Inendet, amat igage; 'Gochi muguleldang'ung`. 4.  Kuurin  Jesu eng' Tamirmiriennyi. Kas it nguno; kas it  nguno. Boibo-en bik  tugul che  iyani. Chogu iyan aginye.

1.  Nwagen betusiekab chi; U sogot ne toroksei; U uruet ne labati. Choboge! Choktoi kenyisiek inne, Rigu kiruoget ak me-et. Mwechin eutab Jesu. Choboge      Choboge...Choboge!      Kas, ko ta koguurin Jesu - Choboge!      Ngot itebi eng' chalwok kesib kegerei kurget,      Ma kegasun tun rirek. Choboge! 2.  Siirtoi Ming'inateng'ung' Ko u taptok che restos; Metinye sobet ne koi. Choboge! Ye kuurin tamirmiriet Megage, kiptengekyot, Si tun koek buch rirek. Choboge! 3.   Kas anyun, kiteun ra, Kuurin Jesu Kiptaiyat. Nam oretab kipsengwet. Choboge! Mong'u eng' mesundeito; Mwechi eutab Jesu, Si kogasgei kipsengwet. Choboge!

1.  Kuurin Kiptaiyat Jesu eng' kuurset ne o; Ago tos memage kiy Ine? Ichirjireni kot koboto choronok? Tos ibwat kit  ne te sobondang'ung'?      Tos iruchini kit   ne u sobondang'ung"?      Inai kit ne te eng' Kiptaiyat?      Mamitei keljinet eng' tuguk Che bo ng'ony.      Tos ibwat kit   ne te sobondang'ung'? 2.   Koicheng' boiboiyet  ak magornatosiek Eng' tuguk Che Chang' che mitei ng'ony , Ago mengen kalyet eng' Jesu Yetindet - Tos ibwat kit ne  te sobondang'ung'? 3.    Biitunat rirenet ne bo Kiptaiyandet. Megage, itaach eng' kayanet. Nyo kisoobin nguno si isich yetunet  - Ibwat mising' kit ne te sobondo.

1.  Ilen Tatun acheng'e Jesu Betut age alewen. Eng' besiono ayan ng'alekyik, Agochige Yetindet.      Lewen nguno, amu mi Jesu ;      Kanyin Inendet nguno.      Lewen nguno, kota koguurin;      Abere memuchi tun! 2.  Lewen nguno, bichii sobondo! Choktoi betusiek inne ; Neng'ung' rani, makina-e tun; Lewen sobondo nguno! 3.   Rani ko betutab sorunet - Ileweni nee nguno? Lewen sobondo anan me-et, Lewen ra ne bo koigeny!

1.  Tos, a chi ne kim eng' Jesu? Chinnyi ne bo luget? Tos, alilani asubot Ak amwaita-ege? 2.  Tos, nyolu kimuta barak Eng' talbisto ne o, Ye ya-ei bik alak luget  Kotumdoi korotik? 3.  Tos, manyoru bunik eng' tai Che machei kebarge? Tos, chamei ng'ony ne bo chalwok Kogiila eng' oret? 4.   Mitei luget ne o ne bo iman Ne machei kimnatet. Ago igiila Kiptaiyat Si amuch amuita.

I.  Kuurech  Jesu, Yetindennyo, Ke-egu kasubikyik. Kuurech eng' betusiek tugul, Kolen, Osubwa nguno. 2.  Kiguur Jesu bik atkinye Eng' emetab Galili. Kibagach gorik ak bikwak Amu Kainetab Jesu. 3.  Kuurech  Jesu, agot rani, Kisubote Inendet, Len, Omete kanamonik, AK oloswa Anege. 4.  Kuurech Jesu eng' ng'onyuni Kecham Inendet  kosiir, Agot ngemi nyalilwogik Anan kemi boiboiyet. 5.  Ee, Kipt,aiyat, rireneige, Toretech kegasin it , Si keotin eng' sobennyo , Kechamin kosiir tugul .

1.   Otononie eng' Jesu, Askarikab Kristo. Onde barak songoliet Ne ba-ornatennyo. Oba luget ak Jesu; Amat ongeng'etye Agoi kiterter tugul, AK koboi inendet. 2.  Otononie eng' Jesu Amu korom boriet. Betutab Kiptaiyat ra; Iterteri iman. Ongebe ak Inendet Amu Chang` bunikyok; Jesu  ko kimnatennyo Ne igimitatech. 3.  Otononie Eng' Jesu - Nenyinet kamuget; Mayamech kimnatennyo Ne bunu borwekyok. Olaach Logoiywek Che miach, Che karikab luget Ogiilge eng' sautik ; Amat ongebe let

I.   Makwa  Kiptaiyandet Agochi mugulel, Si ko-isto  chalwogikyuk, Abunji Inendet. 2.  King'ata  Kiptaiyat Atoret  bik  alak, Amwachi  ng'alekab sobon Asi  kobiit  kesor. 3.    Amang u  kainennyi Eng' saet ak ripset; Agiilig-e asub Jesu Si mabut eng' oret. 4.  Kona kimnateng'ung' Arib sobondanyu, Si malilan eng' ta-ing`ung` Tun kageerin Inye.

1.   Ye yomin bunyondet ko megochige; Ye iterter yomset isich kimnatet. 'Giilge ko umuren; iterter tugul. Ye imang'u Jesu koti-in komie      Som kotoretin Jesu      Ak kogimitin mising'      Toretin kot Inendet;      Ti-in Jesu Komie. 2.  Mobendate ak bik che yaei Tengek, Wech mising' kendernat; Mewit Kainennyi. Teech Jehovah kityo eng' chamyet ne o. Ye imang'u Jesu koti-in komie 3.   'Sub, inye, imanda; yai luget ne mie. Konin Kiptayandet iterterisie. Iterteri tugul eng' nyiganatet; Ye imang'u Jesu koti-in komie.

1.  Agiilige eng' kayanet, Owendi tai eng' bandanyu; Asa-ati eng' orennyu Ale, Jesu, igimita.      Kibendoti ak Jehovah,       Ak ayani kimnatennyi.      Agot ngo usa bikab ng'ony      Abaibai eng' Yetindennyu. 2.   Mi bik alak eng' ng'onyuni Che mi mestetab kanjobet, Ago agiilige ane -  Awendi tai eng' kayanet. 3.  Amache kilaakwa iman Karik tugul che bo luget, Asi ye yoma bunyondet Aterteri eng' kayanet. 4.  Kona atien eng' boiboiyet Koboto bik che tililen Asa-e betusiek tugul Ale, Jesu, Igimita.

1.   Teswa chamyet inye Jesu Kristo Teswa kotugul, Kona atesak eng' ng'omnateng'ung' Anai mageng'ung'      Ee te...swa asain      ae...tu kotugul      asa...e ing'ong'wo      Ng'olyondeng'ung' ne tilil 2.  Inyiita Tarmirmirye ng'ung' ne tilil, Teswo mieindo, Kot imaluch Sobondannyu Jesu, eng' boiboiyeng'ung' 3.  Jesu toreta eng' nyalilwogik; Kona awa tai. Ilumda eng' chamnyeng'ung' ne o kot; Teswa kayanet. 4.   Ngebe twai koboten Jesu kristo Kot kobek luget Ak kenyorua aterterisei Eng' kimnateng'ung'.